sabato 21 maggio 2022

PINTADERA

 D'ISTHIU



D’isthiu zi semmu incuntraddi,
in chissa ippiaggia zi semmu basgiaddi,
in chissu mamentu è naddu un amori,
un amori veru e appassiunaddu.
 
Ma chissu trenu chi ti z’ha purthaddu
alluntanenditi da lu tò amori
da chissa voltha non zi semmu più visthi
e chiss’amori s’è isthudaddu.
 
Tu, amori meu, tu,
ti pregu, non mi lassà a sora
acchì eu pensu soru a te,
amori meu, ti vogliu bé!
 
Ma un manzanu mi soggu isciddaddu
pinsendi a te, soru a te:
amori tu, tu m’hai lassaddu
soru e ischunsuraddu.

Tu, amori meu, tu,
ti pregu, non mi lassà a sora
acchì eu pensu soru a te,
amori meu, ti vogliu bé!
 
Ma una sera eu t’aggiu visthu
eri allegra, abbrazzadda a un althru,
lu cori meu era suffrendi pai te
e tu mancu pinsavi a me.
 
Tu, amori meu, tu,
ti pregu, non mi lassà a sora
acchì eu pensu soru a te,
amori meu, ti vogliu bé!


Nessun commento:

Posta un commento