SOSSU RACCONTA JELINTHON

LA PRIMA CUMUNIONI

ERA LA PRIMA CUMUNIONI, FATTA L'ARIZZI A LU PANTARONI LABADDU IN TERRA, ZIU PIETRINU IN CAMISGIA NOBA, ME' CUGINU CARRENDI EBA, VINU E BIRRA, ME' MUGLIERI LA MESSA IN PIEGA, PASTICCINI, LINGHI DI SOZZARI I LI SAFFATTI, ABIAMI PURU IMBIANCHINADDU, LU MANNU S'ERA DA POGGU CUIUBADDU.

RALLIGRENDIDDI CHISTHI COSI, DI L'INVIDADDI CANDU TI POSI FIGGIURI LA LISTHA, CHISTHA VOLTHA V'ERANI TUTTI, NO' HA IMPURTHANZIA SI BEDDI O BRUTTI PA LA FESTHA, ISCHUDENDIZI UN'ALTHRA UCCIADDA, PIGLIO, VEDO E CI RIMANGO MOLTO MALE, VI DIGGU CHI ERU MEZZU OFFESU, TRA L'INVIDADDI V'ERA UN SASSARESU!!!

V'E' PURU SIGNOR PASCHARI, PRIGONTU A ME' MUGLIERI CHI FAZZI DI CABBU E VI RIMANGU MARI, "MA CANTI VOSTHI TI L'AGGIU DITTU??... CANDU SASSARI E' CUMMINTADDU N'ARRIBI UN FIOTTU!!!... CHI GIA' S'INNANDA COTTU PURU... JA' LU SAI CHI ZI NI MAGNA TUTTU!!!"

SI S'INCAZZANI "MARI O BONI" CANDU NO' VO' INTINDI' RASGIONI PASTHI IN TRONCU, E PIGLIADDUN'A ME' FIGLIORU L'AVIZZINU A LA JANNA SORU, LU PONGU A FIANCU, " BEH'... ISTHATTI SECCU A VIDE' CA' VENI, SE TU NON LI CONOSCI NON APRIRE A NESSUNO!!!... LA FESTHA SI LA PIGLIA IN CURU... DI SASSARI NON FANNI INTRA' NISCIUNU!!!"

MA ZOCCANI A LA JANNA, V'E' UN BEDDHU TIPU IN GAMBA CHI A L'AMIGGHI INDIGGA IN'I E' LA FESTHA MANNA, E' TUTTU GANTU BRILLANTINADDU, BOTTI LUCCITI, PITTINADDU E LA GIANCHETTA, V'HA PURU LA CRAVATTA CHISTHU CABBI COGGIU INNANTU A UNA VESPETTA.

" MI PRESENTO: SIGNOR PASQUALE... UN PO' DI TRAFFICO ...MENO MALE CHE SONO ARRIVATO! ISCHUSEDDI SI MI PIRMITTU, MA DA SASSARI UN PO' DI AMICI NE HO PORTATO!.... AH, AUGURONI PER IL RAGAZZO, VOLEVAMO SOLO ASSAGGIARE UN BICCHIERE DI VINO, UN DOLCE BUONO FATTO IN CASA, UN WHISKY, UN'ARANCIATA E UN PASTICCINO!"

MA PINSENDIBI UN POGGAREDDU, EU M'AMMENTU DA MINOREDDU DIZZIA MAMMA :" SI LA JENTI L'HAI CUMBIDADDA, CUMBATTEGGIARA CUN PAZENZIA E CU LA CAIMMA!" E PIGLIADDUMI DI CURAGGIU, ACCIARADDUMI A LU BALCHONI DIGGU: " ENTRATE!!!", L'AMIGGHI ALLEGRI FENDI BRINCHI, MA FOZZU FESTHA SORU CU LI SUSSINCHI!!!