FAINE'

(estratto da Paolo Sanna, FOGGHI E LUNI. Puisìi in punta d'ammenti, Edes, Sassari, 2004)

Bella calda brusgenti!

buziaba Sacconi

vindendi la fainé

e tutti a lu carruzzu

pa quattro fetti

appena caldhi di brasgeri.



Grossa che cannau

no zi faraba mai

e inguddèndila a fozza

ti parìa di murì

ma era bona umbè

e aisittabi sempri la fainé.



A la sora o cu la ziodda

i lu forru piazìa di più

a trumaddi pa magnalla

tutt'in gara foramari

pa acciappà di la fainé

puntasecca più di te.



Ozzu e fasgioru tondu

vi sìani e tegli

e mani pa affittà

acchì no fini mancu abà

chista gana di fainé.