GINETTO RUZZETTA

DROMMI DROMMI


Drommi drommi Ciccita drommi
ravanella e trullalà
fiaschi di vinu, ziminu e ciogga
la chiterra no po sunà.

Eu m'ammentu di li tempi antigghi
di candu si fazzia la ziminadda
farendi lungu Turritana
cu lu profumu di lu tattareu
abà chi li tempi so' ciambaddi e no si fazzini più di chisthi cosi.

Drommi drommi Ciccita drommi
ravanella e trullalà
fiaschi di vinu ziminu e ciogga
la chiterra no po sunà.

M'ammentu chi mi soggu innamuraddu 
di Franzischina femmina assai bedda
ma eu pa tinimmi più impurthanti
mi l'aggiu dichiaradda in italiano
e l'aggiu dittu ascoltami o bel fiore io t'amo forte quanto è grande il cuore.

Drommi drommi Ciccita drommi
ravanella e trullalà
fiaschi di vinu ziminu e ciogga
la chiterra no po sunà.

Faravami a lu mari in tumbarella
pa fa currenti e rinfrischazzi un poggu
puniami lu vinu i li vizziri
e li ciggioni drentu a la padedda
dabboi giovanotti e signorini fazziani un coru a bozzaredda.

Drommi drommi Ciccita drommi
ravanella e trullalà
fiaschi di vinu ziminu e ciogga
la chiterra no po sunà.