GRUPPO FOLK LA CUMPAGNIA

RAGGIU D'ORO IN GRABIGLIA



UN RAGGIO D'ORO CIRCOLO ASSAI BEDDU
VI N'E' D'UGNIA ETAI E CUNDIZIONI
SI TU VI VOI ANDA' PA' VISITALLU
SI ACCIAPPA PROPIU IN PORTHA SANT'ANTONI
SI PURU EDDU E' FATTU PA' LI SOZZI
ACHI LI LEGGI VONI DI CUSSI'
TU PURU POI ANDA' E STHAI SICURU
ACHI V'E' SEMPRI DI MAGNIA' E BI'

LI ZIMINADDI PIU' BEDDI FATTI
IN CHISSU LOGGU LU POI MAGNIA'
GIUGGHENDI A CARSTHI O A BIGLIARDHINU
L'ORI PIU' BEDDI GIA' POI PASSA'

RACCONTANI LI SOZZI PIU' ANZIANI
CHI LU LUCARI  OGGI BEDDU FATTU
CANDU L'ANI PIGLIADDU IN AFFITTU
ERA SORU UNA TANCA ED UN CIAPPITTU
LI TEMPI CHI OGGI SEMMU ATTRABISSENDI
SI SA' CHI SO' PIU' MARI CHI NON PONI
SO CHISTHI SOZIETAI IN BONA PASTHI
CHI SAIVANI ONESTHAI E TRADIZIONI

LI ZIMINADDI PIU' BEDDI FATTI
IN CHISSU LOGGU LU POI MAGNIA'
GIUGGHENDI A CARTHI O A BIGLIARDHINU
L'ORI PIU' BEDDI GIA' POI PASSA'

A CHISSI TEMPI TANTU BEDDI E CARI
LI SASSARESI ANI DI TURRA'
PURU LU RAGGIU D'ORO CANTU DURA
S'IMPEGNARA' PA' FALLI RIPITA'
PA' D'UGIA MEZZU AOSTHU SASSARESU
SO' TUTTI LI FAMIGLI SEMPRI IN FESTHA
ACCUDI DA LUNTANU TANTA GENTI
E ARRIBI L'EMIGRADDU E LU PARENTI

LI ZIMINADDI PIU' BEDDI FATTI
IN CHISSU LOGGU LU POI MAGNIA'
GIUGGHENDI A CARSTHI O A BIGLIARDHINU
L'ORI PIU' BEDDI GIA' POI PASSA'

TUTTI LI NOVI MANIFESTHAZIONI
SO' PA' LI SASSARESI E FURISTHERI
VI SO' CHIDDI CHI A FATTU LA PRUBINZIA
E NOI L'AISSITTEMMU CUN PIAZERI
LI CIRCOLI EDDI PURU SONI IN GARA
DI MAGNIA' BONI E DI FIASCHI DI VINU
LU PRIMMU PREMIU E' LA GRABIGLIA D'ORO
A CA' LU COZI MEGLIU LU ZIMINU

LI ZIMINADDI PIU' BEDDI FATTI
IN CHISSU LOGGU LU POI MAGNIA'
GIUGGHENDI A CARSTHI O A BIGLIARDHINU
L'ORI PIU' BEDDI GIA' POI PASSA'