GIOVANNINO GIORDO

LU TRABAGLIADORI

UN ANNU I LA ZIDDAI ZIRCHENDIMI TRABAGLIU
ABA' M'ANI PIGLIADDU UNA CHEDDA A TRABAGLIA'
LU LUNI MI NI PESU MA IN CABBU AGGIU LU CECCIU
SI MI INCINU ISTHRAMPACHEGGIU NON MI POSSU AFFADDIGGA'

LU MARTHI E' ANCORA PEGGIU MI SI IFFASCIA LU MARTHEDDU
SO VULTHADDI DI ZAIBEDDU SI AGGIU A TRABAGLIA'
LU MARCHURI E' DISTHINU E' MARADDA ME' MUGLIERI
AVVISU I LU CANTIERI CHI NO VI POSSU ANDA'

LU GIOBI SO DURORI ESCINI LI SIVIDORI
OGGI FOZZU FURORI E MINN'ANDU A INNAMURA'
LU VENNARI MI FEIMMU DANANZI A "SANTU SISTHU"
OGGI E' MORTHU "GESU' CRISTHU" NO SI DEBI TRABAGLIA'

LU SABADDU A MANZANU MI NI PESU DI BON'ORA
PA UNA ZURRADDA SORA NON MI CUNVENI ANDA'
LA DUMENIGGA CIAMBADDU ACCIAPPU LU PRINZIPARI
BONGIORNO "MASTHRU ZUNIARI" DOGGHIAMI LI DINA'

ESCIMIZZI DA DANANZI MANDRONI BUCCAROTTU
TI ISCHUDU UN'ISCHAFFIOTTU CHI TI FOZZU RUDURA'
E NO S'AZZIA ASSAI ASSAI IN CABADDI DI FOGGU
INTANTU GIA' LU SOGGU CHI NO MI NI VO' DA'

SO ISCHUSI BEDDI E BONI DI MARI PAGADORI
TI DIZZINI MANDRONI PA NON DATTI LI DINA'
PA CHISSU ATTINZIONI GIOBANI D'ABA'
PRIMMA DI TRABAGLIA' FEDDIVI PAGA'