L'AMORI E' TURRADDU
E MI LU CIAMI AMORI , LU CHI TUTTU AGGIU PASSADDU
NON T'AGGIU FATTU NIENTI , PA' DIPPETTU SEI PARTHUDDU
EU VEGGU SEMPRI IN SOGNIU , CHISTHU FUMMU E LU VAPORI
E SEMPRI AISITTENDI , MURENDI DI DURORI
PRUMISSI MARI E MONTI , GIRUNDRENDI PA' LU MONDU
ABA' CHI SEI TURRADDU , SEI SEMPRI UN GIRUNDRONI
TU M'HAI DAGADDA SORA , BRUTTU FACCIA DI CANNAU
ACCHI' MI FAI A RIDI' , CUN LI BOTTI LIADDI A IPPAU
L'AMORI E' TURRADDU , EBBE' CA' SINN'AFFUTTI
E GIUNTU CHIZZU CHIZZU , IMBAGLIADDU HA L'INDIRIZZU
TRE PAIMMI DI CIMAGGA , VAI VAI E COSCHADDI FRANCISCHI'
E DIMMI COSA VOI , BRUTTU FACCIA DI D'UGNIA DI'
ARRIVIDDU E' LU VAPORI , ARRIGADDU N'HA LU VENTU
E TU' SEI SEMPRI A POPPA , CURRUDDU E SEI CUNTENTU
E PIGLIADDI LI PEDI , E ISCHUMINZA A CAMMINA'
MI SOGGU CUNFISSADDA E NON TI VOGLIU GIASTHIMMA'
AISETTA CHI T'AISETTA , SO' PASSADDI LI MEI DI'
ABA' NI SOGGU ISTHRACCA , FINAMENTA DI PIGNI'
PIZZINNA SOGGU ANCORA , I LU FIORI DI GIOVENTU'
ABA' VAIDDINNI AMORI , CHI NO TI VEGGHIA PIU'
SICURU SEI TURRADDU , CHI TI VEGGHIANI ALLUMADDU
ZISCHENDI SEI ANCORA , LU CHE PRIMMA Z'HAI LAMPADDU
L'AMORI MEU E' TURRADDU , NO PO' MAI FUMADDI
ABA' CHI SEI INOGGHI , PIGLI FIAGGU DI ROCCIU A IPPADDI
L'AMORI E' TURRADDU , EBBE' CA' SINN'AFFUTTI
CHI SEI UN GRAN CURRUDDONI , GIA' LU SAPEMMU TUTTI
E' GIUNTA PRIMAVERA , E CANTA DI LU ZERU
UNDI' T'HAI FATTU L'INVERRU , ABA' TI FAI L'ISTHIU
E PRGA A GESU' CRISTHU , CHI ABA' TI E' ANDADA BE'
SICUNDU A CA' ACCIAPPAVI , TI FAZZIA LU CABBU IN TRE
VAI PIGLIADDI L'ISTHRAZZI , SARUDDA E TORRA A TUTTI
L'AMORE MEU E' PARTHENDI , EBBE' EBBE' EBBE' CA' SINN'AFFUTTI
Nessun commento:
Posta un commento