GAVINO SORO

IN TERRA FURISTHERA


A zirchammi lu trabagliu pà acciappà un pezzu di pani
soggu andaddu in cuntinenti cù lu cori tira-tira
e girendi in mezu mondu sempri in zercha di furthuna
in chiss'aria fumiggadda cù lu freddu da murì

Ma lu zeru di la Saldhigna 
no v'è althra cosa più bedda
cun lu piantu drenta a lu cori 
sogg'andaddu lantanu da te

Umbè d'anni sò passaddi sempri in terra furisthera
e tirendi in chistha vida mantinendi la famiria
e lassendi la varghogna, di qualsiasi trabagliu
ma carrendi sempri a casa chissu poggu pà campà

Ma lu zeru di la Saldhigna 
cun un sori chi ippacca la predda
terra cara , terra di sogniu 
sei luntanu ma sempri cun me

Giuntu in terra di Saldhigna gia ti  incontru li mè cumpagni
cabbi nuddi e peri bianchi , tanti althri cumpà sò  morthi
chissa primma innamuradda cun un althru si n'è andadda
a dabboi s'è invicciadda li migliori no vi sò più

Cantu è bedda chistha Saldhigna 
tantu tempu è passaddu d'allora
sei rimastha giobana ancora
i lu cori meu sei sempri tu

i lu cori meu sei sempri tu