LA CHITERRA DI ME' MARIDDU
Cazzu diauru !!! ah m'aveddi rumpiddu mi cun chisthu cantà !!!
eh chi sacramentu chi no si possia ripusà in chistha casa !!!
Mashtru Firì !!!! già sunemmu pianu , chi no s'agatia a manzanu
Ai cantu è beddu lu chi sona la chiterra
no mi ni isthraccu di aischulthallu dugna sera
cà si n'affutti di vidi cù meza perra
sona stornelli corsicana e trallalera
eu mi la baddu e mi la giru sempri in tondu
la sona puru candu è isthraccu e arrugghiddu
chistha chiterra è la più bedda di lu mondu
e mi la sona cù la penna e cù lu dittu
Sona sona , sona sona , chiterra mea
cantu sei bedda mi ni soggu innamuradda
la sona sottu a lu baschòni di casa mea
e dugna notti mi vò fà la sirinadda
cantu è beddu e cantu è togu mè mariddu
mi la sona cù la penna e cù lu diddu
la sona puru candu è sthraccu e non ha gana
a l'istornelli a la ipagnola e corsicana
è sunadòri di chiterra e mi ni vantu
candu la sona l'abbaiddu acchì è un incantu
canta e sona puru candu và l'affannu
ei sona sona s'ha isthraccaddu lu diddu mannu
ai cantu è beddu candu sona a la ipagnola
eu mi la cantu mi la baddu e mi la frusciu
e pianu pianu mi zi drommu e mi cunzòra
candu s'isthracca la rimunu e zi la ippicciu
tu sei bedda sona sona chiterra mea
non ha più gana chistha sera è mezu biddu
e gira gira mi zi isthrampacheggiu in terra
Do Re MI Fa Fa Fa Fa Mi chi z'è caggiuddu
cantu sona mè arrividdu lu pe-pe
cun lu sonu di chiterra me arrividdu
cantemmu in tre Fa La Do Mi SO Fi Re
ai cantu è bedda la chiterra di mè mariddu
Nessun commento:
Posta un commento