GAVINO SORO

SASSARI MANNA


Pensu cand'eru pizzinnu in giru i la ziddai
pasàbani li carrozzi no v'era lu tranvai
allora la bicicletta era un lussu che mai
s'andaba a la ippassiggiadda cun edda a la brazzetta

Sàssari e manna già tutta ciambadda è ormai
no s'anda più in tumbarella a Abbacurrenti o a Balai
abà parimmu tutti ricchi cun chisthu bè chi z'abemmu
l'auto di lussu "mas no bas " e zi cridimmu chi sà

no semmu a fattu cuntenti di chisthu chi v'abemmu
semmu girosi e zi briemmu e cussì zi ischandemmu
e pianu pianu semmu andendi in dareddu
senza vurellu zi dubimmu abà rassignà

abà parimmu tutti ricchi cun chisthu bè chi z'abemmu
l'auto di lussu "mas no bas " e zi cridimmu chi sà

no semmu a fattu cuntenti di chisthu chi v'abemmu
semmu girosi e zi briemmu e cussì zi ischandemmu

e pianu pianu zemmu andendi in dareddu
senza vurellu zi dubimmu abà rassignà

senza vurellu zi dubimmu abà rassignà