A arrasgiunà cun teggu no ni cumprendu mai
si sei dizendi fàuri o è tutta viriddai
sei nadda carthuccera e troppu imburiggosa
e candu mi fabeddi è un'iscèna curiosa
chi mi n'esciani l'occi si lu credu sinzeru
è veru e pari fàura , è fàura e pari veru
è veru e pari fàura , è fàura e pari veru
Abbè chi tratti mari a chissu tò mariddu
lu ciammi fimminaggiu li dì chi è ivvanissiddu
e puru Custhantinu a didda di la jenti
è bonu che lu pani è un pòbaru innuzzenti
e tandu è una carùnnia ? cos'è chisthu mistheru ?
è veru e pari fàura , è fàura e pari veru
è veru e pari fàura , è fàura e pari veru
Chi tu sia magna e nega dugnunu ti lu dizi
rimuni li dinà cuaddi in zentu pizi
e piegni chi sei pòbara maradda ischura e cina
e no puseddi un cittu mancu pa medizina
e t'atturuccheggi tutta azzendi l'occi a zeru
è veru e pari fàura , è fàura e pari veru
è veru e pari fàura , è fàura e pari veru
Nessun commento:
Posta un commento