SASSARI ABBANDUNADDA
Sássari bedda mea isthimadda
chi mi pari una veccia senza parenti
a zertha jenti di te no l'importha nienti
mi pari un oiffanedda abbandunadda
no s'abbízzani chi pianu pianu sei murendi
la sera candu torru da campagna
mi feimmu un isthutta pa salendi
undi v'é la funtana di Santa Maria
no veggu piú chidd'eba cristhallina
frestha che rosa primma via
drenta a lu cori meu soggu suffrendi
lu sudóri m'acciuttu suipirendi
lu prugressu ha inquinaddu li funtáni
era l'alligria di li vaggiani
da la Conza a Ruseddu a Pozzu di Bidda
Sassari Veccia no ti poi di caggiá
tuttu chissu dannu no ti prestha d'aisittá
chi casche manu santa ti possia aggiuddá
lu macchini n'ha cabaddu l'alligria
a li pitzinni chi jugabani in carrera
ma si abá tu a Sássari voi xxxxxxxx
ni vedi dugna sorthi e culori
ischuminzendi da li Pitzinni Pizzoni
chi la ziddai no sani rippittá
Nessun commento:
Posta un commento