Giovannino Giordo

 LU  PICCADORI 

Già soggu juntu a figgiuratti

in pruzissioni eu pregu a te

acchi sei mamma di tutti canti

e abà pardhonu dumandu a te

Tutta la vidda suffrendi 

senza un mamentu di pasu

tu chi hai sufferthu di più 

abà  mi poi cumprindì

Tu chi sei sopra lu zeru

e a tutti canti zi vedi

fammi la grazia ti pregu

pa pudemmi a ti aischulthà

Già l'intendi lu lamentu

di un ommu chi ha piccaddu

e a te no ha mai pinsaddu

e no è mai juntu a prigà

Abà mi passi addananzi

eu puru jettu una rosa

pari chi mi sei figgiurendi 

e chi mi voi pardhunà

Già l'intendi lu lamentu

di un ommu chi ha piccaddu

e a te no ha mai pinsaddu

e no è mai juntu a prigà

Abà mi passi addananzi

eu puru jettu una rosa

pari chi mi sei figgiurendi 

e chi mi voi pardhunà