A TE AMORI
Soggu sempri isthaddu
unu pizzinnu soru ma
prima di cunniscì a te
no riscìu più a amà,
sintimenti no n’avìu
ma la vidda mea abà
è liadda a te.
Ahh ahh
Una canzoni a te amori aggiu a rigarà
Ahh ahh
E cu lu cori l’abaraggiu a cantà
Zerth’isthelli più beddi
nudda so cunfrontu a te,
la luzi di la luna mea sei tu.
La luzi toia bianca
mai s’abarà a isthuddà
e la mè passioni pai te
più manna sarà.
Ahh ahh
Una canzoni a te amori aggiu a rigarà
Ahh ahh
E cu lu cori l’abaraggiu a cantà
Unu pizzinnu innamuraddu
fazi cosi chi no vo’,
la notti eddu no drommi pa pinsà.
Eddu pensa a l’indumani
candu ti torrarà a vidè
ma li paràuri soi si ponini
a trimulà.
Ahh ahh
Una canzoni a te amori aggiu a rigarà
Ahh ahh
E cu lu cori l’abaraggiu a cantà
Ahh ahh
E cu lu cori l’abaraggiu a cantà
Trascrito Gentilmente da Hampsicora
Nessun commento:
Posta un commento