CHISSU TEMPU
Vi fabeddu di un tempo chi li giovani di vint'anni no si poni ammintà
candu Sàssari era Sàssari cu li so carreri bianchi mi paria d'assé a la festha
e la sera z'azzàbami tutti a Piazza D'Italia tutti pa ippassiggià
eu t'aggiu cunisciddu inchibi tu fazii la trappera ed eu un disipiraddu
Chissu tempu chissu tempo eu no mi possu più dimmintiggà
Chissu tempu chissu tempo eu no mi possu più dimmintiggà
T'aisittabu dugna sera affaccu a chissu baibberi propriu sottu a casa toia
e fazia salthi murthari pa cumparammi "Li Nazionali" e pa purthatti al cinema
e poi candu turràbami in carrera incuntràbami tutti l'amigghi mei
zi fimmabani in una cantunadda ed eu pigliabu la chiterra e cantaba dui canzoni
Chissu tempu chissu tempo eu no mi possu più dimmintiggà
Chissu tempu chissu tempo eu no mi possu più dimmintiggà
Candu soggu parthuddu a un momentu aggiu dittu abarà vidè chi una dì
abaraggiu a turrà inogghi pienu di dinà e ripittaddu e chissà si tu sarai la mea
tu pignende eu ridendi allora m'hai dittu t'aissettu sempri inogghi
torra in pressa umpari a me la vidda mea e troppu biodda e tropuu tristha senza te
Chissu tempu chissu tempo eu no mi possu più dimmintiggà
Chissu tempu chissu tempo eu no mi possu più dimmintiggà
Caschi voltha aggiu ischrittu caschi voltha hai riposthu e dapoi no hai più ischrittu
e abà chi soggu turraddu m'hani dittu chi ti sei cuibadda e no fai più la trapera
chissa buttrea di baibberi aba`no ve più e tu no andi più a ipassiggià
cu li so carreri asfaltaddi abà Sàssari pari mortha ed eu cantu a mar'amori
Chissu tempu chissu tempo eu no mi possu più dimmintiggà
Chissu tempu chissu tempo eu no mi possu più dimmintiggà
Nessun commento:
Posta un commento