ADRIANO PINNA

SEMMU NADDI SASSARESI


Semmu sempri sassaresi cionfraiori
dugna loggu noi zi femmu cunniscì
semmu dugna dì in chedda sempri in festha
li cambiari chissi li femmu aisittà

sthrigni sthrigni zi tiremmu a fini mesi
cun dui citti chi zi fazini campà
lu cuciuciu no zi manca drentu casa
ne lu vinu ne la gana di magnià

semmu critticadori tramposi appagadori
ma  cionfra a ciarameddi semmu fatti cussì
zi dizinni chi semmu  pregone e prepotenti
ma è faura di la jenti semmu fatti cussì


sintimentu vi ponimu i li canzoni
la faradda a mezu aosthu è tradizioni
bindiori a dugna isthrinta già n'acciappi
eddi vonia chi zi fazzini trazià
ciogga grossa vinu nieddu e una fabadda
semmu in Sàssari v'è poggu di ibbaglià


semmu trabagliadori ma femmu li signori
la notti no si drommi pinsendi a cà futtì
si semmu crittiggaddi ma cosa si n'affutti
campemmu a la zurradda noi isthemmu bè cussì

santa arrangiati pà fassi la zurradda
chistha vida s'ha insignaddu di cussì
di pratesi no n'abemmu già si sà
di bon cori chisthu no si pò nigà

finza in gherra semmu isthaddi li più forthi
fendi isthoria no bisogna immintiggà
si calchunu no vi credi o no ha cumpresu
t'assigguru no sei naddu sassaresu

ADRIANO PINNA

DROMMI DROMMI TRIBURIA


DA CRIADDURA ERU SEMPRI ASSUSTHADDU
A GIASTHEMMI MIN'ANI PISADDU
LU FAZIANI PA' FAMMI DRUMMI
GIAIA MEA DIZZIA DI CUSSI

E FAI LA NINNA  FAI LA NANNA
SINO' T'ISCHUDU LU CABBU A LA JANNA
S'AVVIRINAVA E MI DIZZIA SARRA CHISS'OCCI TRIBURIA

MI RACCUNTABA DI ISTHORIA E DI FAURI
S'ERA CAIMMA TRANQUILLA E SIRENA
MI BADDABA MI SCIUCCHITTABA L'IMPUSTHANTI
ERA FAMMI CAGLIA'
FAI DI ZITTO FAI DI BRAVO
D'UGNA DI' LA MATTESSI RASGIONI
VI NI VURIANI PA' SUPUSTHALLA
ANCHU LA VEGGHIANI TIRADDA A BALLA

DROMMI DROMMI CAGLIADDA A LA MUDDA
MINAZZABA CUN UNA TRUDDA
SINO TI DROMMI POI STHANI SICURU
CHI TI SCHUDU LU CABBU A LU MURU

SI STHAZIA CUN UN QUARTHU DI VINU
SEMPRI FATTU A LI CIARAMEDDI
ABBAIDDENDI LI MARI DI L'ALTHRI
DA LU BASCHONI TI LEGGI LA VIDDA

IMBURUGOSA FATTITTAGGIA ACCUPADORA GRAN FAURAGGIA
SEMPRI CUNVINTA D'ABE' RASGIONI
ZI FINIA IN GARERA O IN PRISGIONI

A TUTTI DIZZI CHI STHAZI MARI
E PA GIUNTA SE' FATTA BIGOTTA
LA SERA IN GESGIA SIN'ANDA A PRIGA'
SI TU LA VEDI E PA' CIARAMIDDA'

TUTTA DI CASA TUTTA DI GESGIA LU RUSARIU L'HA SEMPRI FATTU
MAI UNA VOLTHA SIA GIUNTU UN ATTACCU DI PEDDI
MARA NON NI MORI MAI