PIETRO SANNA

 CADDÉNI  DI  VIDDA

 

M'ammentu ancora chi lu durori avará a passá

in cori meu abá vogliu justhizia

ma é troppu lenta a iscinni da drentu

no si puó canzillá la cuipa

 

Da la faccia asciuttu le me lácrimmi

in cori meu pensu ancora a te

tu chi suffri e mi zerchi 

i lu pardhónu fammi la cariddái 

 

Caddéni caddéni caddéni di vidda 

Caddéni caddéni caddéni di vidda 

Caddéni pai noi

 

Sarraddi só a vidda li firiddi

un mári aperthu che sará pai noi 

luzi d'isthélli i lu zeru intreu

l'occi toi surrudenti pa sempri

 

Abbrázzami isthrígnimi

cun te mi vogliu pirdhí 

in chistha priggióni non vogliu intrá piú 

eu non vogliu piú caddéni

 

Caddéni caddéni caddéni di vidda 

Caddéni caddéni caddéni di vidda 

Caddéni pai me

 

Caddéni caddéni caddéni di vidda 

Caddéni caddéni caddéni di vidda 

Caddéni pai te

Caddéni pai noi

 

Caddéni caddéni caddéni di vidda 

Caddéni caddéni caddéni di vidda 

Caddéni pai noi

Caddéni pai noi

Caddéni di vidda di vidda pai noi

ANTONELLO USAI

LA  CAZZA

 

Oggi abbri la cazza

e mi l'allusthru torra lu fussiri

mi fumu casche trenta zigaretti

aissittendi a me coppare 

che mi venghia a pigliá

 

ah ah ah con lu chi é arrividdu

cu l'aperthura chi é piena di caldhu

mi fazzini cassinu fora mari

semmu já andendi mari 

senza mancu ischuminzá 

 

semmu arrividdi in campagna

isthuminzemu a caminá 

un macchione si é movuto

forse léparu chi sa

 

carriggheggiu lu fussiri

soggu pronti a ispará

e invece era me coppare 

che á finiddu di caggá 

 

 oh oh oh oggi abbri la cazza

e mi l'allusthru torra lu fussiri

mi fumu casche trenta zigaretti

aissittendi a me coppare 

che mi venghia a pigliá

 

é já mezzudí 

e soggu caminendi da zinc'ori

no é passaddu mancu un carandróni

n'aggiu pieni li buttoni

no lu possu supurthá

 

avveru dizia mé muglieri

l'abbia prumissu leppari e branizzi

abá sigundu Rosetta mi dizi 

si é ceppato il mio fucile

a te lu poi immaginá 

 

soru a te ti z'é inceppaddu

acchi tu sei posthu mari

lu chi á funziunaddu bé

e isthaddu chissu di coppare 

 

m'á rigaradu túrthuri

branizzi e carandróni

mi ha riempito il mio carniere

mi ha ticciadda di pizzoni 

 

 

oh oh oh oggi abbri la cazza

e mi l'allusthru torra lu fussiri

mi fumu casche trenta zigaretti

aissittendi a me coppare 

che mi venghia a pigliá

 

 

mi fumu casche trenta zigaretti

aissittendi a me coppare 

che mi venghia a pigliá

 

mi fumu casche trenta zigaretti

aissittendi a me coppare 

che mi venghia a pigliá

 

 

 

 

 

 

 

TORE SEDDA

SIRINADDA  A  SÁSSARI   (ANCORA INCOMPLETA)

 

Cantu é beddu i l'isthradi di Sássari in primabera

cun tutti canti li babbarotti chi só vurendi

li pizzinni allegri che vigiri tutti in carrera

e li jóbani pa li cuzzóri a innamuraggiá

 

Cantu é beddu --------------------------

ancora in piazza v'é un firu di sori

é iscaldhendi li casi piú úmidi 

e li terrazzi pieni di fiori

 

E l'anziani cu lu basthurinu 

ázzani e fárani ispassiggendi 

e li femmini vecci pusaddi

i lu giardhini só -------------

 

--------------------una fémmina

un cabbu d'agliu giá ni é firendi 

appiccaddu a un firu di --------

un ---------- in gabbia é cantendi

 

V'é una jóbana mamma in carrera

e lu figlioru já z'é drummendi

intunéndiri la sirinadda

chi eu d'anzora li soggu cantendi

 

E non máncani mai li campani

chi tutti impari zi scioglini a sera

pa avisaddu di li sassaresi

chi é arrividda la primabera

 

E non máncani mai li passoni

sempri in festha e in pruzzissioni

li tamburi e li musicanti

pa ripettu di la tradizioni

 

E non máncani li vindióri

cu la chiterra e li cantadori

e la prata appicadda i la janna

iluminadda da lu lampioni

 

E non máncani li candareri

badda baddendi pa li carreri

e lu dicciu di li sassaresi

tutti a fora li brascieri 

 

 

 POTETE AIUTARE SE VEDETE ERRORI O SAPETE COSA DICE NELLE PAROLE CHE MANCANO , SCRIVENDO NEI COMMENTI ----GRAZIE

 

LINK DELLA CANZONE SU YOUTUBE    

 

 https://youtu.be/lFtwkfTdgX0?list=RDlFtwkfTdgX0

 

 

 

 

 

 

 

 

 

 

 

 

 

        

 

 

LOS AMIGOS

LA  ZIMINADDA  DI  DUMINICHINU 

 

 Cant'è bonu e sauriddu

 Lu ziminu di viddédda

 Cun finócciu e rabanella

 Vinu niéddu e trullallá

 

 Pa' pudéttiru magná

 No vi vóni denti boni

 Puru senza masthiggá

 Ti ni magni un carrattoni

 

 Candu pìgliu a fini chédda la chiddadda

 Andu drittu in pressa a lu marcaddu

 Che un maccu disizendi lu ziminu

 Cun rabanella, finócciu e umbé di vinu

 

 Immizzaddu, fundari e rignoni

 Firaddizzu, ciaggari cu lu córi

 Primma latti, randuri e ipiena

 Canna curu, parasangu cu la isghuèna

 

 

 M'ha mandaddu a ciamá

 Mé mugliéri a lu vindióru

 Acchì mi vurìa dà

 Umbè di basgi, li di cunsóru

 

 L'aggiu daddu la ripóstha

 Di andà innorammara

 Acchì abìa chi fa

 Cun un piattu di fába

 

 Maradetta chissa santa grabigliadda

 Mi n'ha magnaddu tutta canta la chiddadda

 Mé mugliéri, in casa arriniggadda

 Cun mé' sózzara, ch'é fea, avvirinadda

 

 "bruttu maccu, abburrissiddu, disdiciaddu,

 senza dinà e imbriaggu séi turraddu.

 Arrunchendi e andendi muru muru.

 Ma da dumani magni juru juru"

.

 Abá chi l'ai iviridda e altariadda

 Jà la pìgli la bedda iscuzzuradda

 Però Juannica è sempri innamuradda

 Di lu "suibettu" di Dominichinu

 

 Jà v'era la luna piena e parìa junta l'óra,

 attizza fóggu Juannica e li fazi una cassóra.

 

PARIDE BOI

 

FORA D'AMORI

 

UN AGNIRU I LI SOGNI MEI

CUN LA MANU ACCARIZZEGGI CHISSU CHI

ERA UNA VOLTHA

UN PIZZINNU CHI RIDISCIA A FATTI DIBIRTHI 

OGGI NO SOGGU SI PAI TE É SEMPRI DI CUSSÍ

 

E TEMPU DI FATTI INTINDÍ

COSA PROBU CANDU VEGGU CHI SURRIDI

PARAURI NO

ABBAIDDENDITI L'OCCI EU NO RIDESCIU A DÍ

CUSSÍ SI CANTU POSSU FATTI CUMPRINDÍ

 

SI AMORI É AMORI EU LU VOGLIU DÍ

NO V'É RASGIONI CHI LU POSSIA FA FINÍ

FÓRA D'AMORI TRA ME E TE

UGNA DÍ CHI PASSA CORI MEU MI FAI SUGNÁ

 

PIZZINNI NOI IN TERRA ANZENA

IMMAGINAVAMI UN MONDU FATTU SORU DI

IMMENZU AMORI 

ZÉRTHU NO PUÓ ASSÉ TUTTU DI ROSI E FIORI

MA ABBAIDDA INDÍ SEMMU ABÁ GRAZIA A LU CORI

 

TEMPU É PASSADDU DA CHISSI DÍ

MA SI VI PENSI AMORI NUDDA É CIAMBADDU

SENZA DI TE

POSSU ISTHÁ SENZA LI BASGI E LI DIFESTTI TOI

MA SI ANCORA OGGI CANTU A TE VÓ DÍ

 

SI AMORI É AMORI EU LU VOGLIU DÍ

NO V'É RASGIÓNI CHI LU POSSIA FA FINÍ

FÓRA D'AMORI TRA ME E TE

UGNA DÍ CHI PASSA TU MI FAI SUGNÁ

 

CHI SI AMORI É AMORI VERU NO PÓ SUZZIDÍ

CHI DUMANI TUTTU POSSIA CANZILLÁ 

ABBAIDDA COSA ABEMMU FATTU 

LA FAMIRIA ABEMMU JÁ

CHISTHA FÓRA LA JENTI ZI LA PÓ INVIDIÁ 

 

LA PÓ INVIDIÁ

 

 

 

 

 

 

SASSARI VECCIU

 L'EBA  DI  LU  '65

 

 Chisthu e lu contu di un vecciu, chi z'á faraddu lu candareri... Pa trentazinc'anni..... e aba' chi no vi la fazzi piú.... Li piglia una cosa a la óra... E lu cori li si isthrigni.... E l'ammenti di l'anni passaddi si ponini a baddá...a baddá... Propriu cumenti li gióvani tutti visthuddi pa la festha... Di mezz'aosthu i la carrera...e allora eddu... Cu la bózi lizzera lizzera e' dizzendi........ Baddéddiru, baddéddiru puru pa me... Cussí puru eu soggu cuntentu...

 

Si m'ammentu di l'eba.. di lu sessantazincu... Lu magoni s'arromba a lu cori meu.... Érami beddi e vaggiani....magnávami che setti cani.... Érami sani e sinzeri......farávami.....lu candareri

 

  Oh Sássari mea chistha cosa mi piglia a lu cori... E no mi fazzi più drummí... Oh Sássari mea si no faru piú lu candareri... Eu no ni possu piú drummí.....

 

 Si m'ammentu lu caldhu di lu settantadui.... Torra lu pinsamentu....eu impari a voi... Érami beddi e vaggiani....magnávami che setti cani... Érami sani e sinzeri......purthávami lu candareri

 

 Oh Sássari mea chistha cosa mi piglia a lu cori... E no mi fazzi piú drummí... Oh Sássari mea si no faru piú lu candareri... Eu no ni possu piú drummí.....

 

 Si la vivu in carrera......giá l'intendu la bózi... Da lu manzanu a sera....l'ammenti mei dozzi...... Érami beddi e vaggiani...... magnávami che setti cani... Érami sani e sinzeri......purthávami........li candareri...

 

 Oh Sássari mea chistha cosa mi piglia a lu cori... E no mi fazzi piú drummí... Oh Sássari mea si no veggu piú li candareri... Eu no ni possu piú drummi.....

 

Fabrizio Casu

 TI  RIGARU  UNA  CANZONA

SARRU L'OCCI E PROBU A IMMAGINÁ

DUI PARAURI CHI T'HAI D'AMMINTÁ

MI BASTHA CHI VEGGU L'OCCI TOI

E LU CORI MEU SI PONI A CANTÁ

LU VARORI CHI AGGIU DADDU A TE

SORU TÚ ABÁ LU POI DIFINDÍ

UN'ALTHRA CANZONA NASCI INOGGHI

PINSENDI A TÉ  CHI SEI AFFACCU A ME

CANDU LU CORI M'HAI FURADDU

EU L'AMORI AGGIU CUNISCIDDU

TI RIGARU CHISTHA CANZONA

ACCHÍ TU I LA VIDDA M'HAI RIGARADDU

CANDU LU CORI M'HAI FURADDU

EU L'AMORI AGGIU CUNISCIDDU

TI RIGARU CHISTHA CANZONA

ACCHÍ TU I LA VIDDA M'HAI RIGARADDU

CHISS'AFFETTU CHI DAI SORU TU

EU NO POSSU FANNI A MANCU PIÚ

UNA VIDDA NO MI PÓ BASTHÁ

FAI CHI PURU IN ZERU TI POSSIA AMÁ

TANTU CHI AGGIU JÁ AVVISADDU A DEU

UNA DI CANDU ABAREMMU AZZÁ

LI PARAURI MI L'AMMENTU ANCORA

CANDU ABÍ FATTU PRUMMISSA A ME

CANDU LU CORI M'HAI FURADDU

EU L'AMORI AGGIU CUNISCIDDU

TI RIGARU CHISTHA CANZONA

ACCHÍ TU I LA VIDDA M'HAI RIGARADDU

CANDU LU CORI M'HAI FURADDU

EU L'AMORI AGGIU CUNISCIDDU

TI RIGARU CHISTHA CANZONA

ACCHÍ TU I LA VIDDA M'HAI RIGARADDU

TI RIGARU CHISTHA CANZONA

ACCHÍ TU I LA VIDDA M'HAI RIGARADDU

TI RIGARU CHISTHA CANZONA

ACCHÍ TU I LA VIDDA M'HAI RIGARADDU

GIOVANNINO GIORDO

 UN CANTU D'AGNIRI

 

PARI UN CANTU DI BOZI D'AGNIRI

CHI M'INDOZZA E M'ISCHALDHI LU CORI

DA TANT'ANNI NO AMMENTU LÁGRIMI

SOGGU UN OMMU CHI TANTU Á PICCADDU 

 

LU DISTHINU NO É ISTHADDU TÉNNARU

CANTI IBBAGLI I LA VIDDA AGGIU FATTU

CHISTHA VIDDA ZI L'AGGIU LAMPADDA

MI N'ABBIZU SORU ABÁ CHI É FINIDDA

 

MA ISTHANOTTI V'É UN CANTU D'AGNIRI

LA DUZZURA I LU CORI É FARADDA

 

É NADDARI PA L'OMMINI IN TERRA

E CHI BEDDU SORU PAZI E MAI GHERRA

NASCI UN FIORI É UN PIZZINNU MINORI

SORU DEU PA PADRONU A ZIRACCU

 

CHRISTHU NASCI PA TUTTI L'ÓMMINI

MARI E BONI, ZIRACCHI E PADRONI

TUTTI CANTI I LA VIDDA IBBÁGLIANI 

MA NO É TARDHU SI UN'ISTHELLA É FARADDA

 

MA ISTHANOTTI V'É UN CANTU D'AGNIRI

LA DUZZURA I LU CORI É FARADDA

 

MA É NADDARI E V'É UN CANTU D'AGNIRI

CHI M'INDOZZA E M'ISCHALDHI LU CORI

M'INGINUNCIEGGIU PIGNENDI LÁGRIMI

LU PARDHONU DUMANDU SINZERU 

 

TORRA IN PAZI LU CORI E L'ÁNIMA

FOZZU IN TEMPU IN CHISTHA NOTTI FADDADDA

MA I LU ZERU UN'ISTHELLA DI PRATA

SORU PAI ME PARI ACCIARADDA 

 

MA ISTHANOTTI UN'ISTHELLA DI PRATA

SORU PAI ME PARI ACCIARADDA

MA ISTHANOTTI V'É UN CANTU D'AGNIRI

LA DUZZURA I LU CORI É FARADDA

 

MA ISTHANOTTI UN'ISTHELLA DI PRATA

SORU PAI ME PARI ACCIARADDA

 

 

 

 

 

 

 

 

 

 

Fabrizio Casu

 

La campana di babbu

Ma ca t’ha ippintu luntanu da me

ca t’ha cunvintu chi no ti vogliu bè?

so sempri dui li campani da aischulthá,

chissa di babbu isthasera vò sunà.

 

No aggiu eba chi ischurri i li veni

e nemmancu una predda pa cori

e no è beru chi babbu no ha làgrimi

pa li figliori.

 

La campana chi t’ha alluntanaddu

abìa unu sonu fauránciu e isthunaddu;

la campana di babbu isthasera

è sinzera e suffri pai te.

 

Eu pregu a Deu di no fatti immintiggà

candu v’ero eu chi ti fazzìu juggà,

ma chissa gioia a me è isthadda nigadda.

Cantu mi manchi, me figliora isthimadda!

 

No aggiu eba chi ischurri i li veni

e nemmancu una predda pa cori

e no è beru chi babbu no ha làgrimi

pa li figliori.

 

Eu no credu chi chissi paràuri

chi m’hai dittu so naddi da te,

soggu sigguru chi in fond’a lu cori

hai un loggareddu pai me.

 

Ti sei intesa tradidda e abbandunadda,

no mi pardhóni li cuipi chi no aggiu,

ma candu cresci e sarai più manna

cumprendarai chi li cuipi so di mamma.

 

Chissu sangu chi t’ischurri i li veni

è di babbu e tu sai m’appalteni,

chissu cori minori chi batti

fallu intindì puru a me.

 

E cantendi mi si poni un nodu,

i l’isthógamu e l’agasthoru.

da cantu tempu no m’abbrazzi, me figliora,

da cantu tempu no ti posi in coda!

 

 

PIETRO SANNA

BASGI  DI  PASSIONI 

 

SI M'ABBAIDDI LU FOGGU S'AZZENDI

SI TU MI BASGI  M'AZZENDI ANCORA DI PIÚ

VOGLIU LU SORI E TUTTU LU ZERU

ISTHRINTI E BADDENDI SEMPRI CUNTEGGU

 

BASGI VOGLIU DA TE 

BASGI VOGLIU DA TE

 

 POI SARRU L'OCCI E ANCORA TI VEGGU

TU SURRIDENTI E INNAMURADDA

CU LU SORI I LU CORI EU VOGLIU CARORI

ABBRAZZENDITI FORTHI TI SENTU PIÚ MEA 

 

 

BASGI VOGLIU DA TE 

BASGI VOGLIU DA TE

 

BASGI VOGLIU DA TE 

BASGI VOGLIU DA TE

 

SI M'ABBAIDDI LU FOGGU S'AZZENDI

SI TU MI BASGI  M'AZZENDI ANCORA DI PIÚ

VOGLIU LU SORI E TUTTU LU ZERU

ABBRAZZENDITI FORTHI TI SENTU PIÚ MEA 

 

BASGI VOGLIU DA TE 

BASGI VOGLIU DA TE

 

BASGI VOGLIU DA TE 

BASGI VOGLIU DA TE