PARIDE BOI

 

FORA D'AMORI

 

UN AGNIRU I LI SOGNI MEI

CUN LA MANU ACCARIZZEGGI CHISSU CHI

ERA UNA VOLTHA

UN PIZZINNU CHI RIDISCIA A FATTI DIBIRTHI 

OGGI NO SOGGU SI PAI TE É SEMPRI DI CUSSÍ

 

E TEMPU DI FATTI INTINDÍ

COSA PROBU CANDU VEGGU CHI SURRIDI

PARAURI NO

ABBAIDDENDITI L'OCCI EU NO RIDESCIU A DÍ

CUSSÍ SI CANTU POSSU FATTI CUMPRINDÍ

 

SI AMORI É AMORI EU LU VOGLIU DÍ

NO V'É RAGIONI CHI LU POSSIA FA FINÍ

FÓRA D'AMORI TRA ME E TE

UGNA DÍ CHI PASSA CORI MEU MI FAI SUGNIÁ

 

PIZZINNI NOI IN TERRA ANZENA

IMMAGINAVAMI UN MONDU FATTU SORU DI

IMMENZU AMORI 

ZERTHU NO PUÓ ASSÉ TUTTU DI ROSI E FIORI

MA ABBAIDDA INDÍ SEMMU ABÁ GRAZIA A LU CORI

 

TEMPU É PASSADDU DA CHISSI DÍ

MA SI VI PENSI AMORI NUDDA É CIAMBADDU

SENZA DI TE

POSSU ISTHÁ SENZA LI BASGI E LI DIFFETHI TOI

MA SI ANCORA OGGI CANTU A TE VÓ DÍ

 

SI AMORI É AMORI EU LU VOGLIU DÍ

NO V'É RAGIONI CHI LU POSSIA FA FINÍ

FÓRA D'AMORI TRA ME E TE

UGNA DÍ CHI PASSA TU MI FAI SUGNIÁ

 

CHI SI AMORI É AMORI VERU NO PÓ SUZZIDÍ

CHI DUMANI TUTTU POSSIA CANZILLÁ 

ABBAIDDA COSA ABEMMU FATTU 

LA FAMIRIA ABEMMU JÁ

CHISTHA FÓRA LA JENTI ZI LA PÓ INVIDIÁ 

 

LA PÓ INVIDIÁ