NUOVO FOLKLORE SASSARESE

 NINNA NANNA

Non possu più vidè Santa Maria

ne la funtana chi m'è cantu cara

nemanco intindì l'azienda mea

fora di casa soggu a triburà

Sia puru cu lu cori adururaddu

cu lagrimi in l'occi ugna mamentu

luntana da l'amigghi e li parenti

custhrettu a no puddetti più cantà

Ninna nanna maccittu meu sogna a Jesù

casa bedda candu drummiamu eu e tu

era beddu ma oramai no possu più

ninna nanna siggu pignendi sempri più

Chi cosa bedda era chissu tempu

sia puru senza abè tantu guadagnu

arumancu ti intindia cori isthimaddu

e dugna notti e dì  pudia canta

Ninna nanna maccittu meu sogna a Jesù

casa bedda candu drummiamu eu e tu

era beddu ma oramai no possu più

ninna nanna siggu pignendi sempri più

NUOVO FOLKLORE SASSARESE

CHISSI DI PORTHA SANT'ANTONI

Si mi impristheddi un poggu di la vosthra attinzioni

di chistha parodia ni femmu una canzoni

la didichemmu a un gruppu di passoni

chi abittani in l'isthòricu in Portha San'Antoni

Jenti toga senza pratesi chi si n'affutti si a fini mesi

s'arrivi in bulletta o senza dinà ca si n'affutti di trabaglià

E si passeddi inchibi è tuttu un ciarameddu

da tutti li rioni finzamenti da Ruseddu

passoni dugna tipu mancu la noba Sardegna è infuimadda di cussì

Jenti toga senza pratesi chi si n'affutti si a fini mesi

s'arrivi in bulletta o senza dinà piena la tazza e tira a campà

Zi pari cosa sthrana inveci è propiu veru

si inchibi v'hai un amiggu è l'unicu sinzeru

pa cosa è risapuddu puru da li pasthori

chissi cu ru cori tennaru so propiu li saccadori

Jenti toga senza pratesi chi si n'affutti si a fini mesi

s'arrivi in bulletta o senza dinà ca si n'affutti di trabaglià

NUOVO FOLKLORE SASSARESE

 TEMPI  NOBI

Tempi nobi e pigiuraddi

ma fai finta chi pò andà

la binzina è aumintadda

no si pò più campà

Era assai megliu prima

candu pa andà e turrà

s'attaccaba a lu barrocciu

e si arribia cumenti abà

Si lu racconti pari una beffa

mancu patatu si pò magnià

si voi vivì di sintimenti

sthraodinari tu debi fà

Jà vi sò li ministhri

li dinà l'imparthini bè

pa eddi è faziri la divizioni

Unu a lu biafra e unu a mè

Beddu assusthu chi ni piglia

si z'iscedda jaiu meu

da l'ipramu chi n'accogli

assai isthazzi a turrà in zeru

Si tu pensi chi pà vivì

no fai althru chi pagà

si cuntinua di chissu passu

paghi la tassa pà piscià

Nuovo Folklore Sassarese

LU  PISCHADÓRI


Iscia a pischá una dí e no é piú turráddu
i mari abia sempri triburaddu
pá la famiria chi purthaba in cori
mamma , muglieri e tutti li figliori

Sia tempu bonu o maru s'aprittaba
cu la só barca trabaglia lu pani
lu segnu di la crozi poi zi iscia
innanta a l'ondi chi abá l'hani morthu

Deu di lu zeru sajva babbu meu
pígliaru in paradisu cu li santi
e fa chi dugna tantu una preghiera
eddu possia intindí da li parenti

In mari canti vittimi innuzenti
abbandunaddu hani lo so famiria
eu dugna notti mi la sentu in cori
chi babbu é vivu e pensa a li figliori

Eu dugna notti mi la sentu in cori
chi babbu é vivu e pensa a li figliori

Nuovo Folklore Sassarese

INCONTRU


T'aggiu incuntradda pai casu
e figgiuradda no poggu
in cori brusgendi che foggu
l'aggiu invitadda cun me

Umpari zi semmu aviaddi
a ippassiggiá semmu andaddi
la manu li soggu tinendi
forse la vogliu já bé

Chi beddu lu chi é suzzidendi
eu mi soggu innamurendi
soggu cuntentu cussí
ma pensu a lu chi pó avviní

soggu cuntentu cussí
ma pensu a lu chi pó avviní

A zi vidimmu dumani
edda m'ha dittu di no
eu vogliu piú un althru pizzinnu
ed eddu vivi pai me

Tristhi lu cori é manchendi
lu sognu si z'é purthéndi
ma forse é megliu cussí
la vidda mea no pó finí

ma forse é megliu cussí
la vidda mea no pó finí

Nuovo Folklore Sassarese

CIARAMÉDDU


Vi l'amminteddi  Sássari a l'antigga
di jenti sempri pronta a riburthá
di longhi ischampagnáddi a la Landrigga
barracca ziminu e trullallá

Zerthu abá no n'é ciambaddu assai
semmu póbari mai iscilliaddi
po mancá lu sordhu pa la cambiari
ma li ciabóttiri e l'ipuntini só asiguraddi

Pá no fabiddá piú di chissa ghenga
chi in portha Sant'Antoni usa isthá
anzi chi disthutti la crisi económica
a la riforma carceraria andani a pinsá

V'é dappoi chissa drumadda di pizzinni
chi abittani via Roma a l'ischuriggádda
lu sindaccu e la junta dissippiraddi
li mattoni di lu marciapié só ischunzumaddi

Comunque tuttu summaddu
a noi s'anda beni di cussí
pá cosa in Sássari nosthra semmu naddi
e vabaremmu zerhamenti e a murí

Nuovo Folklore Sassarese

MARÍA 


Una tazza e la festa cumenza
senza amori ne alligria
mi ni sthoggu i lu vindióru
cu l'amigghi in cumpagnia

Ma in lu fondu di la tazza
veggu sempri la tó faccia
pari dighia eu sthoggu beni
puru si no é affaccu a te

Maria , Maria
cantu amori cantu pientu
sei mancadda in un mamentu
abá no ti veggu piú

Maria , Maria
acchí m'hai lassaddu soru
ugna notti i lu vindióru
zerchu di dimmintiggá

E tantu chitsha festha candu finirá

Candu sona mezzanotti
soggu in giru pá li carreri
lu durori chi aggiu in cori
no mi fazi piu drummí

Candu isthraccu torru a casa
mi zi costhu e sarru l'occi
abá no sthoggu piú mari
acchí semmu torra umpari

Maria , Maria
cu la notti sei ipparidda
abbru l'occi e v'é lu sori
ma tu no vi sarai piú

Maria , Maria
acchí m'hai lassaddu soru
ugna notti i lu vindióru
zerchu di dimintiggá

E tantu chitsha festha candu finirá