LI GOBBURI SASSARESI

 A CANTEMMU A LI TRE RE · Cantore di Sassari

Le voci di Sassari. Gobbule e altri canti (A cura di Pietro Sassu)

Deu zi dia dugna bè                                                     Dio ci mandi ogni bene

Deu zi dia dugna bè                                                     Dio ci mandi ogni bene
Cantu n’ha auddu minnannu                                     Quanto ne ha avuto mio nonno

Eddu era cozzu e lagnu                                               Lui era povero e magro
Bibia brodu di nappa                                                  Beveva brodo di rape

Mar'e peggiu la sò cappa                                            Mal ridotta la sua cappa
Mar’e peggiu lu sumbreri                                           Assai più il suo cappello

Lu babbu sottu a Figheri                                            Il babbo servo di Figheri
E la mamma sijvidora                                                 E la mamma domestica

La figliora era signora                                                La figlia una gran dama
La purthaba a ipassiggià                                            La portava a passeggio

La purthaba a ipassiggià                                            La portava a passeggio

Li puniani li bozi                                                        La prendevano in giro
Dédizi carigga e nozi                                                  Date fichi secchi e noci

E prunardha si vi n’ha                                               Prugne secche se ne hai
E prunardha si vi n’è                                                 Prugne secche se ce n’è

A cantemmu a li Tre Re                                              Cantiamo ai Tre Re

LI GOBBURI SASSARESI

 A ZENT'ANNI · Cantore di Sassari

Le voci di Sassari. Gobbule e altri canti (A cura di Pietro Sassu)

A zent'anni li padroni
si zi dassedi cantà

un pattu vi vogliu fà
non ni vogliu iscì in gherra

noi andemmu terra terra
che li cristhiani vibi

tanti inoghi e tanti inchibi
faba non ni li vuremmu

tutti li dinà chi femmu
li punimmu a occi e sori

cariga di bon saori
ni vuriddi in cantidai

un piattu a li leccai
a li chi ponini fattu

e a noi un bon piattu
di chissa cariga bona

di chissa cariga bona

e prunardha si vi n'è

e prunardha si vi n'è
a cantemmu a li tre Rè.

LI GOBBURI SASSARESI

Babbu m'ha mandaddu all'osthu

SAIVADORE PITTALIS

Babbu m'ha mandaddu all'osthu

Pa videmmi da luntanu

Si m'acciappa l'usthuranu

Mi zi manda a li zirizzi

E sigundu cosa mi dizi

Fozia acciarà la figliora

L'aggiu di dini quanti parauri

In casa vi sò li tauri

Tribbidda e baccaretta

In casa v'è la checca

Pa andà a Monti Bianchinu

À arriggani un cossu di vini

LI GOBBURI SASSARESI

LU  PARDHONU 

Intendi picadora 
lu chi zi dizi Deu

a coru giú vi leu a cunfisazzi

Deu é prontu abrazzazzi 

dumandali pardhonu

pasch'é un Deu bonu

chi zi pardhona

zi dazi la curona 

lu regnu di lu zeru

credi lu pasche é veru

lu chi ti diggu

La dí di lu judiziu

saremmu judicaddi

da li giusthi jamaddi

a manu drestha

dugna alligria é festha
la dí di lu timori
da chi nosthru Signori
s'ha judicá
lu zeru ha trimurá
li Santi hana pigní
fallu pá chidda dí
chi sei isthaddu

Tre ori hai curiaddu
i la crozi pá perdhi
no li daga pignendi
a tó figliori
indozzari lu cori
e falla a tutti ganti
e falla a tutti  
Santi in paradisu

In paradisu sia 
li nommu di Jesusu a di Maria
sempri sia ludaddu
li nommu di Jesusu
sacramintaddu

LI GOBBURI SASSARESI

SAIVADORE PITTALIS 

BONANOTTI  E  FINI  D'ANNU


Bonanotti e fini d'annu,
laudemmu li padroni,
semmu pizzinni minori
purthemmu berthula manna,

semmu junti a la so' janna
pa pudezzi cumprindì,
semmu junti pa dì
lu fattu chi z'è suzzessu

la notti di Santu Silvesthru:
s'è illiarada mama
e a fattu una pizzinna
manna manna antighidai;

si vo' a dinniri assai
zi priparia li frisgiori,
noi zi n'andemmu sori,
sori sori in santa pazi,

si la cariga zi dazi
noi vi ringraziemmu
com'abemmu fattu tandu.
Bonanott'a fini d'annu,

si la canzona è finida
n'aggiugnimm'altri tre mutti:
andiani be' li frutti
e li passoni di casa

a li vagianeddi ipposi,
a li cuiubaddi dicciosi.

(1963)



Traduzione in Italiano

Buonanotte a fine anno
lodiamo i padroni di casa;
siamo dei ragazzini
ma la bisaccia è grande;

siam venuti alla sua porta
per poterci intendere;
siam venuti per narrare
un fatto capitatoci:

la notte di San Silvestro
s'è sgravata mamma
e ha partorito una bimba
grande grande, vecchiettina;

se vuol sentirne di più
ci prepari le frittelle.
Ce ne andremo soli
vi lasciamo in santa pace

se fichi secchi ci date.
Vi ringraziamo ancora
come abbiamo fatto allora.
Buonanotte a fine d'anno.

Se la canzone è finita
aggiungiamo altri tre versi:
auguri di buon raccolto
e alla gente di casa

le giovanette spose
le maritate felici.

LI GOBBURI SASSARESI

Tino Grindi

La gobbura di Piazza d’Itaria

Eh! Chi mannu abburottu*
pari sia turraddu lu quarantottu,
pa lu prugettu di Piazza d’Itaria
é ischuppiadda la mararia,

tutt’assulthaddi pa lu pavimentu,
l’architetti v’hani posthu appentu*
a disignà la piazza noba,
ma candu l’hani postha a la proba

li sassaresi hani prutisthaddu umbè:
mi chi panchini no vi n’è!
E cos’è chisthu granitu rosa?
Mi chi no semmu a Bosa!

E chisthi zattari cosa so?
Parimmu giugghendi a mabò;*
ajò a femmu un poggu li seri,
già semmu sassaresi matruferi,

ma abà, mi pari chi semmu esagirendi,
si i lu mondu é tuttu ciambendi,
noi vurimmu la Piazza cument’era
candu passiggiabami manzanu e sera,

a drestha li ricchi cu li masciottoni
a sinisthra li ziracchi cu li militari a plotoni
era tutt’un’althra megliu cosa
candu arribìa Margharita e Rosa

dui tronchi di pizzinni avveru
vi lu digg’eu chi soggu sinzeru.
La viriddai é chi li mattoni d’abà,
sò brutti e fazini puru lisciggà

e allora cosa dizi Masthr’Antoni:
parabà ciambemmu li mattoni
dabboi pinsemmu a la barandiglia*
attinzioni a li curombi in squadriglia

candu bumbardheggiani sò trimendi
e dabboi pianu pianu cuntinuendi,
accunzemmu li dui funtani
chena abè secchi li mani,

pa lu munumentu di lu Re,
candu torr’a vidda Trappadè
li femmu di maimaru un cabaddu
e intondu un giardhinu tuttu sarraddu.

Cussì vurimmu la Piazza nosthra
chi no sia isciumpiadda nè mortha,
zi dipiazi pa lu sobrintendenti,
ma ha dittu umbè di jenti

chi li tubi di li luzi a siruru
si li ponghia tutti ganti in… giardhinu,
a lu Sindagu Assessori e Giunta
ni l’abemmu sigaddu la punta

a li dizottu architetti cu lu cabbizzoni
ni l’abemmu ischunzaddu li forri boni.
Chissà candu sarà finidda
chistha isthoria già iviridda,

parabà zi tinimmu lu Klinkeraddu
aisittendi un miraguru da lu zeru...faraddu.
Boni festhi cun saruddu a tutti ganti
e isciddazzi a l’annu nobu a ipanti!*