SERA D'ABRIRI
Li rùndini i lu zeru, acciaradda a lu balchoni
i l’aria di la sera una ghiterra sona una veccia canzona.
Lu ventu di lu mari, azzendi i la carrera,
mi portha li profumi di fiori diricaddi
e di logghi luntani.
In chissa isthrintaredda, i l’ulthimi raggi di lu sori
jogghiani li pizzinni e so nascendi li primm’amori.
I sogni di vaggiana, chissà si ti n’ammenti,
l'è daddu la mè vidda.
Chiss’occi incantadori, isthrignendimi a lu cori,
mi fazzini suipirà.
Chissà indì sei andaddu, chissà si torrarai,
si sei isthaddu furthunaddu e si no pensi mai
a la nosthra ziddai.
M’hai firiddu lu cori ma lu tempu m’ha curadda
abà acchì un novu amori la vidda m’ha daddu
m’intendu di cantà.
Abbaiddu pe la jenti cun novi sintimenti
e vogliu bè a la vidda.
Chistha sera d’abriri li rùndini i lu zeru
mi fazzini sugnà.
Vi n'è logghi luntani,
ma chisth’è la mè ziddai, inogghi è lu mè cori,
nun t’abbandonu mai.
Inogghi è lu mè cori,
nun t’abbandonu mai
lu mè cori
lu mè cori
lu mè cori
