LUCA FOIS

 

Lu mondu

Spacciatori e delinquenti la jenti so ammazzendi,

pianu pianu chisthu mondu a la morthi so purthendi.

Chisthi drogaddi so pòbari maraddi

so di li pobaracci chi voni aggiudaddi.

Li giòbani d’oggi so senza sintimenti,

no v’ani più rippettu mancu pa li parenti.

Già v’è lu guvernu chi zi poni pagamenti

e però no vedi lu chi è suzzidendi.

 

Forse lu dumani chisthu mondu ciambarà

e vi sarà più amori e la pazi torrarà.

Forse lu dumani chisthu mondu ciambarà

e vi sarà più amori e la pazi torrarà.

 

Omicidi e rapini no v’ani mai fini,

si ti ni rendi contu ti veni da pignì.

Aischolthi lu cori e intendi ch’è suffrendi:

pagosa lu disthinu z’ha purthaddu a chista fini?

Abbri lu giornale e pari un campusantu

già leggi in prima pàgina: n’ani morthu ancora un althru.

Cun chistha canzona eu pregu a Deu in zeru

chi da chistha gherra l’amori nasciarà.

 

Forse lu dumani chisthu mondu ciambarà

e vi sarà più amori e la pazi torrarà.

Forse lu dumani chisthu mondu ciambarà

e vi sarà più amori e la pazi torrarà.