GIOVANNINO GIORDO

NADDARI  IN  FAMIRIA

CHI BEDDA E' LA NOTTI DI NADDARI
CANDU S'HA LA FAMIRIA ACCULLUCADDA
AISETTU CHI VENGHIANI DA CASA
ISTHANOTTI UMPARI A EDDI  ISTHOGGU BE'
MI PONGU IN CABBU TANTI PINSAMENTI
NO VEGGU L'ORA DI PUDEZZI ISCI'
SEMPRI INSARRADDU CHENA CUMPAGNIA
UN'ANNU INTREU SENZA CAMMINA'


INTENDU A MEZZANOTTI LI CAMPANI
CHI DAZZINI L'ANNUNZIU DI LU  "CRISTHU"
LU CORI MEU S'ISTHRIGNI TRISTHU TRISTHU
LI DUMMANDU LA GRAZIA PAI SANA'
SIGNORI AISCHOLTHA TU CHISTHU LAMENTU
E TINNI PREGU CUN LU CORI IN MANU
A CA' E' MARADDU FALLU TURRA' SANU
E A CA' HA IBBAGLIADDU DEBI PARDHUNA'


ACCOLLU E' ARRIBIDDU ME' FIGLIORU
AJO' CHI TUTTI SO AISITTENDI A TE
LA TAURA VERA APPARICCIADDA BE'
E L'ABBUROTTU DI LI PICCINNEDDI
CHISTHI SO' TRADIZIONI SASSARESI
DA'SSE'  UMPARI LA NOTTI DI NADDARI
SU DEMUZI LA MANU PA' AUGURAZZI
SARUDDU,  FURSTHUNA E TANTA PAZZI