TBRÙ CABÀ'
Tbrù cabà' , Tbrù cabà'
óggi è féstha e vógliu andà
a acciappà , la cumari
Tbru! Bèh! no mi fà arrabbià!
Stumanzanu soggu arrettu,
mi lu pongu lu cuipettu,
la cravatta e il borsalino,
óggi soggu un cittadino
Trótta, trótta , Firumena
i' la Conza , semmu già
Ma chi diauru , s'è vulthurendi?
No si pó più , caminà
Tbrù cabà' , Tbrù cabà'
vai in campagna e no turrà
Tbrù aió! Da! , Tbrù cabà'
ma cà mi la fattu fà?
Nói a drésta semmu andendi;
zi sò tutti frasthimendi
Sacramentu chi burdhéddu,
sò vulthaddi di zaibéddu
Che mancanti li vedi currendi,
da tutti l'isthrinti ni sò accudendi
Lu cabaddu si fèimma a pasà;
pronta la guardia si poni a fruscià:
"Circola, circola non ti fermar"
E si prutésthi ti fazi arristhà
"Vada in campagna. Quà siamo in città
dov'è il progresso, la civiltà"
Tbrù cabà' , Tbrù cabà'
vai in campagna e no turrà
Tbrù, aió dà! , Tbrù cabà',
vai in campagna e no turrà
V'è un burdhéddu chi è un macchìni
chi m'ammenta "Ridolini"
Curre a dréstha che a sinìsthra
ti n'isthràzzani la milza
Portamizzi a l'aribari
in chiddà póssu campà
Sóru in mézzu a l'animari
pói acciappà la civiltà
Tbrù, aió dà! , Tbrù cabà'
vai in campagna e no turrà
Tbrù, dà! , Tbrù cabà'
vai in campagna e no turrà
Si ti vedi l'abbramiddu
tu séi beddu chi arrusthiddu
Fai la fini di l'ainéddu,
l'óssi l'ani auddi in Ruséddu
Nessun commento:
Posta un commento