SANTA MARIA
vedi a sàssari isthanotti cant'è bedda
illuminadda tanti luzi e di curori
i lu patiu già sò fendi la sunadda
Santa Maria imbandiradda e tanti fiori
canta jenti tutta in giru i la funtana
giovanotti piccinneddi e jenti anziana
vi n'è tanta canti isthelli vi sò in zeru
a chi semmu sassaresi avveru avveru
è turraddu pianu pianu l'emigraddu
i la terra chi no à mai dimminticaddu
sò vinendi da luntanu li furistheri
tutti canti pà vidè li Candareri
sò aischulthendi li canzoni cun amori
piazi a tutti sia manni che minori
sò farendi da lu monti e li paesi
pà aischulthani li canzoni sassaresi
torradinni à undì vè lu primu amori
chi si canta a mandurini e cubasthori
dassa andà la terra di marincunia
torradinni a undì vè Santa Maria
e si n'anda cu lu cori mannu mannu
ciao a tutti zi vidimmu a un althr' annu
si zi parthi cun muglieri e cun figliori
dassa à mamma chi è vizinu a lu brasceri
vi saruddu ma la vidda no è finidda
già vi torru in cà logg'è Pozzu di Bidda
e Zuniari lu di Santu Purinari
lu vindioru ch'è vizinu a lu purthiccari
bedda è la Funtana di Santa Maria
chi vè sempri cà li fazi cumpagnia
eu mi n'andu e mi pariddi un poggu offesi
ammintemmuzzi chi semmu sassaresi
eu mi n'andu e mi pariddi un poggu offesi
ammintemmuzzi chi semmu sassaresi
lalalalala lalalalalala lalalalala
Nessun commento:
Posta un commento