LI ME' VINT'ANNI
brusgiaddu aggiu la mè vidda
lampaddu s'aggiu la giobentù
a vint'anni è jà finidda
oh Madonna aggiuddami tu
dimmi tu si chistha è vidda eu no possu più campà
babbu e mamma mi dizia dimmi tu cosa voi fà
no ai gana di sthudià no ti piazi trabaglià
ma li cuipi tutti a me si trabagliu no vi n'è
nemancu abia vint'anni la megliu giovintù
pai cuipa di li cumpagni a mamma no veggu più
pà chissi ibbagli manni eu piegnu notti e dì
e drentu a chissi janni cunsummu li mè dì
chi durori a mamma mea lu sò cori si n'è maraddu
tutta canta cuipa mea eu mi pentu aggiu ibbagliaddu
chistha ippina chi m'è pugnendi soggu naddu digraziaddu
la firidda mi s'è abrendi lu disthinu meu è signaddu
vint'anni sò passaddi abà no l'aggiu più
li tempi sò ciambaddi no torrani mai più
oh vergine Maria eu no risisthu più
si tu mi fai la grazia eu no vi torru più
vint'anni sò passaddi abà no l'aggiu più
li tempi sò ciambaddi no torrani mai più
oh vergine Maria eu no risisthu più
si tu mi fai la grazia eu no vi torru più
sarraddi sò li janni a mamma no veggu più
addiu a li mei vent'anni addiu mea giobentù
sarraddi sò li janni a mamma no veggu più
addiu a li mei vent'anni ..no torrani mai più...
Nessun commento:
Posta un commento