LU LAMENTU DI LU ZAPPADORI
pònimi in menti figlioru meu
li tempi d'oggi no sò assai boni
vi vò soru un pezzu di cannau
liaddu a coddu e impriasthàddu a sabòni
pà chisthi cani magnadori
chi sò padroni di lu mondu
e a noi zi nègani lu pani
cumente cani li vogliu vidè
piglia lu meu lu principàri
d'azzi dui citti a la zurradda
si l'aumentu eu li dumandu
m'abbaidda mari e si poni a abbaggià
trabaglia Preddu si n'ai gana
si no da inogghi ti ni poi andà
mancu in Sibèria s'isthazzi mari
cumente inogghi no si pò campà
da la ipicciàdda di la dì
cun la zappitta e a cabbu a sori
cancu li vènghiani li duròri
e li rignòni cumente a me
figlioru caru si mi cumprendi
a trabaglià eu no ti mandu
pero isthudieggia à magisthraddu
e chisthi cani falli insarrà
chi no li vegghia la giòbintura
chi eu a tandu no m'agattu più
Nessun commento:
Posta un commento