CORSICA CANTA......Charles Rocchi

U TRENU DI BASTIA


O lu trenu di Bastia
Hè fattu per li Signori
Pienghjenu li carriterri
Suspiranu li pastori
Per noi altri osteriaghji
Son affanni è crepacori

Anghjulì, lu mio Anghjulinu
Pensatu n'aghju una cosa
Quandu  passarà lu trenu
Tirali una mitragliosa
È la genti chi sò dentru
Voltali à l' arritrosa!

Anghjulì, lu mio Anghjulinu
Datti un pocu di rimenu
Vai è feghja issu catinu
S' ellu hè viotu o s'ellu hè pienu
Che poi lu presentaremu
À lu sceffu di lu trenu

À chì hà inventatu lu trenu
Hè stata una brutta ghigna
Li ghjunghji lu filosserà(ne)
Cum' ellu hè ghjuntu alla mio vigna!
Li caschinu i capelli
Incu la maladetta ghigna

Chì ci avimu più da fà(ne)
In piaghja lu mio Anghjulinu.
Pàssanu le settimane
Senza vende un bichjerinu,
Pàssanu le settimane
Senza vende un bichjerinu,



Versione di Charles Rocchi