L'URTHURANU SASSARESU
L'urthuranu sassaresu è di bona ginia
calchi voltha vò cumpresu
ch'è isthruzzinu si sabbia ,
eddu pari sempri affesu
e cù la sò varintia
lu zurratteri iffrutta senza pani e
a bocca asciutta
Sassaresi risurani
matruferi e ciunfraiori
ipprimiddi da lu cori
sentimentu a l'urthurani
chiddu pòbaru mengoni
chi trabaglia a contu d'eddu
ha cumpresu li rasgioni
e li dizzi a beddu a beddu
chistha razza di passoni
sò vulthaddi di zaibeddu
aggiu n'hani a dilli bà
chistha è jenti chi sa fa
Sassaresi risurani
matruferi e ciunfraiori
ipprimiddi da lu cori
sentimentu a l'urthurani
hani casa cun cumpagna
fruttu di lu sò impegnu
faineri di magagna
chi hani fattu lu sò regnu
una matrona pà cumpagna
sombreri e cappa pà insegnu
Sassaresi risurani
matruferi e ciunfraiori
ipprimiddi da lu cori
sentimentu a l'urthurani
Nessun commento:
Posta un commento