LA CUMPAGNIA
La cumpagnia nosthra è bedda a friquintà
si veni a li muragli tu zi poi acciappà
la infirriadda i lu baschoni e la janna pà intrà
lu brasgèri sempri azzesu e prontu a cuzinà
Preddu , Pauru e Antoni la mariglia voni fà
inveci v'è lu pani eu la iscara l'aggiu a fà
allora ziu Renzo pà pudelli appazzà
li dizi a bozaredda lu mandurinu aggiu a piglià
la canzona s'è avviadda e l'ottu soni jà
ma vi manca l'isthrumentu pà pudella accumpagnà
si gira Giuanninu e li dizi dai cumpà
ma eddu li ripondi soggu isthraccu di trabaglià
intantu lu ziminu i la graviglia è cottu jà
e s'intendi lu lamentu no dagheddimi brusgià
auzzedimi lu pani e finiddi di ragatià
acchì v'è puru la benzina chi si debi imbiuddà
la nosthra cumpagnia no si pò dimintiggà
acchì semmu sassaresi e sempri in festha vurimmu isthà
la canzona mea è finidda è tardhu e debu andà
vi saruddu amigghi cari e z'avaremmu acciappà
Nessun commento:
Posta un commento