Li vidimmu lampaddi i li banchini
so passoni dannaddi
so li baiboni di li giardhini
e noi jenti cumuni cu’una vidda sirena
l’abbaidemmu cun occi indischreti e cun pena.
Ma li baiboni eddi puru hani un cori
suffrini tantu candu veni Naddari,
ommini sori e dimintiggaddi
da li parenti più cari.
Lu mondu ingratu l’ha rinnigaddi
e a chistha vidda si so rassignaddi,
ommini deburi e insicuri
cumenti criadduri.
Dizini tanti: si l‘hani vuruddu
ma chissi parauri no li so d’aggiuddu,
i chissi passoni v’è sempri una menti
puru si vivini i modu indizenti.
Ma li baiboni eddi puru hani un cori
suffrini tantu candu veni Naddari,
ommini sori e dimintiggaddi
da li parenti più cari.
Campani soru di aria e di vinu
affiziunati a lu vuleri divinu,
so l’inquirini di li giardhini
so li baiboni.
Andani e torrani senza una meta
tantu no hani a nisciunu chi aisetta,
l’althri li vè soru candu suippetta
di dividì la propria siggurezia.
Ma li baiboni eddi puru hani un cori
suffrini tantu candu veni Naddari ,
ommini sori e dimintiggaddi
da li parenti più cari.
Ma so l’inùtiri e insignificanti,
so sempri isthaddi a bozi di la jenti:
nisciunu vedi, nisciunu intendi
candu lu cori di un baiboni è pignendi.
Nessun commento:
Posta un commento