SONOS DE MANOS , Pietro Sanna

LU CANDARERI DI TOBIA


Lu candareri di Tobia è lu sigundu di la fira
cù la sò bedda isquadra; Sorigghittu , Muddandòni e Mondezzina
ischuminzaddu abia pà amori o forse pà ischummissa
zirchendi legna bona , mantinendi la prumissa
drentu a lu gamasinu , aggiuddaddu da Dadà
umpari cun Sazietta e Giovanna a pitturà

Lu candareri di Tobia
Gira e badda in alligria
a rullu di tamburu
cun vera maisthria

Lu candareri di Tobia
Gira e badda in alligria
a rullu di tamburu
cun vera maisthria

Sighidu da Nanetto , chi già zi fara li zappadori
umpari cun Tiberio , e mè coppare Maccarroni
ancora più adareddu , Ravanella è brinchendi
cun Budinu e  Fabarrusthu , e tutti l'althri arrasthendi
e pà finì chistha canzona , chi aggiu schrittu abuffunendi
no zerchu più a nisciunu acchì la sthanga sò farendi

Lu candareri di Tobia
Gira e badda allegramenti
finza arribìa Santa Maria
tra la jenti applaudendi

Lu candareri di Tobia è lu sigundu di la fira
baddendi e ribaddendi finza a Santa Maria
baddendi e ribaddendi finza a Santa Maria
baddendi e ribaddendi finza a Santa Maria