FIGLIORU DRUGADDU
Ti sei bucchendi a cosa sei pinsendi
a un mondu chi ti pari indifferenti
figlioru meu ti vogliu aggiuddà
acchì no riesci più a ripirà
La vida toia è piena di lamenti
tu sei suffrendi ed eu soggu pignendi
cun meggu no sei isthaddu mai sinzèru
la casa toia è sòbra , sòbra i lu zèru
Ti veggu chi sei pienu di virènu
aisittendi a candu ti manca l'alenu
no vedi chi ti sei arruinendi
sei un isthrazzu e fai pena a la jenti
T'aggiu pinsaddu chi no ti mancaba nienti
si ti fabeddu tu no mi cumprendi
tu beddu fiori di la casa mea
sei morthu soru in mezzu a una carrera
Nessun commento:
Posta un commento