UN FIGLIORU IBBAGLIADDU
Mamma possu intrà o eri ancora drummendi
lu soggu è tardhu ma vi soggu pinsendi
mi ni soggu andendi
m'abbizzu pianu chi soggu manchendi.
Senza babbu da criaddura e cun tanti vizi
puru sì crisciuddu cun tanti sacrifizi
forse chisthu quartheri
o chiss'amigghi chi cridiu sinzeri
Abà pardhóna un figlioru ibbagliaddu
lu disthinu pai me ha sciubaraddu abà
abà nò possu più fà nienti sì nò raccuntatti lamenti abà
dizzì sempri chissi cumpagni aischolthàmi nò sò pai te
oggi lu mè cori fabedda acchì nò v'è tempu pai me
Abà sì voi tu pardhóna un figlioru
acchì eu fabiddendi vi probu abà
eu soggu tu cantu vi teni, ma nò ridesciu più a isthà in pedi abà
mi dizzini ti sei arruinaddu cà ibbaglia veni cundannaddu
la vidda cuntinua pai te ma sentu chi abà tocca a me
Mamma sai chi abemmu una vidda lamintosa
eu cun chisthi lagrimi ti dumandu ischusa
pai me nò v'è più tempu
soru un ripiru chisthu tuimmentu.
Mai v'abia pinsaddu chi pudia arruinammi
chi chisthu virenu abà pudia accabbàmmi
acchì già soggu trimurendi
acchì pignendi mi sei già abbrazzendi
Abà pardhóna un figlioru ibbagliaddu
lu disthinu pai me ha sciubaraddu abà
abà nò possu più fà nienti sì nò raccuntatti lamenti abà
dizzì sempri chissi cumpagni aischolthàmi nò sò pai te
oggi lu mè cori fabedda acchì nò v'è tempu pai me
Abà sì voi tu pardhóna un figlioru
acchì eu fabiddendi vi probu abà
eu soggu tu cantu vi teni, ma nò ridesciu più a isthà in pedi abà
mi dizzini ti sei arruinaddu cà ibbaglia veni cundannaddu
la vidda cuntinua pai te ma sentu chi abà tocca a me
Abà....
Nessun commento:
Posta un commento