LA GREFFA DI L'IMBRIAGÓNI
Semmu una greffa d'amigghi imbriagóni
lu nosthru isthémma la tazza cu lu buccioni
e noi bimmu cu la gana pá imbiuddá la damisgiána
e noi bimmu cu la gana pá imbiuddá la damisgiána
E pá pùní li tazzi tutti in fira
a chisthu pensa lu nosthru compare Tequila
e cussí prima di d'ischuminzáni eddu va sempri l'occi a pila
e cussí prima di d'ischuminzáni eddu va sempri l'occi a pila
Poi vi n'é un althru chi bizzi soru vinello
la prima tazza giá tocca a Verginello
e poi v'é puru L'aeroplano chi bizzi sempri a piano a piano
e poi v'é puru L'aeroplano chi bizzi sempri a piano a piano
Semmu una greffa d'amigghi imbriagóni
lu nosthru isthémma la tazza cu lu buccioni
e noi bimmu cu la gana pá imbiuddá la damisgiana
e noi bimmu cu la gana pá imbiuddá la damisgiana
Poi vi n'é un althru si jamma Canigrassu
bizzi lu vinu ischuttu innantu a un saccu
chi s'è pisaddu cu lu pallóni ormai v'ha l'occi a lampioni
chi s'è pisaddu cu lu pallóni ormai v'ha l'occi a lampioni
Poi v'é la Talpa umpari a Zuniari
chi caminendi andá rumbaddi a pari
e pá ishcarthá la cantunadda giá ni pigliani una isthrampadda
e pá ischarthá la cantunadda giá ni pigliani una isthrampadda
E poi v'é Emilio un althru imbriagóni
lassa la tazza s'attacca a lu buccioni
lavanda gastrica l'hani fattu l'ulthimu pogu mari l'ha fattu
lavanda gastrica l'hani fattu l'ulthimu pogu mari l'ha fattu
Semmu una greffa d'amigghi imbriagóni
lu nosthru isthémma la tazza cu lu buccioni
e si poi bimmu cu la trudda é soru pa imbiuddá la cúba
e si poi bimmu cu la trudda é soru pa imbiuddá la cúba
Nessun commento:
Posta un commento