Ginetto Ruzzetta

LA  LEGGI


Lu carthóni n'accuglia
e in carruzzu lu tiraba
lu pabbiru si vindia
e cussí chi si campaba

Mari e peggiu trabagliaba
e cussí chi si campaba
la midaglia si punia
in gianchétta l'appuntaba

Pá fa vidé chi eddu puru
una voltha era calchunu
tandu no , no é digraziaddu
pá l'Italia abia gherraddu

Tuttu chisthu no importha
pá ca é assacarraddu
e a ca s'é ischandarizaddu
pá vidé un digraziaddu

E per scandalo al pudore
lu prittore ha cundannaddu
per offesa ad un gran signore
in priggioni l'ha mandaddu

A un ferru s`é impiccaddu
pá videssi inchibi drentu
senza cuipa e ne picaddu
soru acchi no abia furaddu

candu sona la campana
lu carruzzu é abbandunaddu
mancu una cani l'acumpagna
senza crozi é suttarraddu

mancu una cani l'acumpagna
senza crozi é suttarraddu