IMPARA A BADDÁ
Semmu turrendi a li fatti antigghi
acchí li cosi beddi no mórini mai
eddu puru brinca in mezu a tutti
puru si a baddá no ha imparaddu mai
E ti diberthi piú cussí
chi sthá pusaddu figiurendi
no fa che chiddi di inghiddà
chi só a tutti critigghendi
Si calchecosa si po fa
e fa truncá lu ciarameddu
bastha piglialli a baddá
e hani finiddu di ciarrá
Cu la faccia ruja e pasanendi
pari chi lu cori sia brinchendi a fora
e continu eddi prisisthendi
finza chi li passi no l'imparará
E ti diberthi piú cussí
chi sthá pusaddu figgiurendi
no fa che chiddi di inghiddà
cho só a tutti crittigghendi
Si calchecosa si po fa
e fa truncá lu ciarameddu
bastha piglialli a baddá
e hani finiddu di ciarrá
bastha piglialli a baddá
e hani finiddu di ciarrá
Nessun commento:
Posta un commento