LI GUASTHI
I lu circolo di li guàsthi già v'è sempri lu vinu nobu
si viniddi a acciappazzi v'abaremmu a cunvittà
v'è Vinzenti cù la chiterra chi zi sòna una bedda canzona
e si veni in alligria accudarà la cumpagnia
Guàsthi guàsthi noi semmu simpaticòni
Guàsthi guàsthi noi semmu fatti cussi
Candu a la sera femmu lu pienu vi n'è sempri casch'unu imbriaggu
si ni pesa da la cadrea e cammina a lu mè-mè
ma Sergio cun tanta pazenzia vi l'addrizza e lu poni in riga
ma lu guàsthu si poni a pignì acchì vò ancora bì
Guàsthi guàsthi noi semmu simpaticòni
Guàsthi guàsthi noi semmu fatti cussi
Mario e Giuvanni cù la zucchitta già si ni bizini sempri una pinta
e Battisthinu cù lu tazzoni n'ha già imbiuddaddu dezi buccioni
Guàsthi guàsthi noi semmu simpaticòni
Guàsthi guàsthi noi semmu fatti cussi
veni Antuninu cù lu cugnaddu chi sò briendi da Santu Dunadu
e n'entra inoghi isthrafuttenti dizendi !!! eu soggu lu Presidenti !!!
e cà si n'affutti !!!!
Guàsthi guàsthi noi semmu simpaticòni
Guàsthi guàsthi noi semmu fatti cussi
Nessun commento:
Posta un commento