Li Vecci
Li vecci abbandunaddi,
da tutti dimintiggaddi,
li vecci a la sora,
li vecci senza cumpagnia.
Non v’hani nemmancu un amiggu,
da tutti so signaddi a ditu,
magari hani tanti figliori
che abà non vedini più.
Ameddili, ameddili, aggiuddeddili
No li lasseddi a la sora
Acchì eddi pà voi hani luttàddu
Acchì eddi pà voi hani vissuddu
Acchì eddi pà voi …
Li vecci cun la patarenza
quasi sia una piniddènzia
chi ancora hani di suppurthà ,
prima di pudè abbandunà.
A tutti hani di raccuntà
di candu hani fattu la gherra,
ed ecco che da l’occi soi
una làgrima li tocca in terra.
Ameddili, ameddili, aggiuddeddili
No li lasseddi a la sora
Acchì eddi pà voi hani luttàddu
Acchì eddi pà voi hani vissuddu
Acchì eddi pà voi …
L’acciappi cun li sò acciacchi
a li giardhini la mattina
a figgiurà li pizzinni giugghendi
e s’ammentani di eddi prima.
Si ti capiteggia d’intrà i l’ippidari
l’acciappi lampaddi a durori
a gittà un ururu
a volthi contru a li duttori.
Ameddili, ameddili, aggiuddeddili
No li lasseddi a la sora
Acchì eddi pà voi hani isthaddu
Acchì eddi pà voi hani vissuddu
Acchì eddi pà voi …
Nessun commento:
Posta un commento