FRANCO RUSSU

BABBU  MÉU


Una vidda triburadda
di trabagliu e sacrifizzi
tu no hai auddu vizi
ma una casa di figliori

lu sá Deu si z'hai amaddu
era mannu lu tó cori
lu saruddu té mancaddu
cussí deu ha vuruddu

Babbu méu la casa toia è abá lu zeru
e lassi a mamma ischunsuradda
pignendi umpari a mé fraddeddi

Babbu méu eu zerchu di falli curaggiu
ma candu pensu a lu tó viaggiu
eu no ridesciu piú a campá

E mi veggu criaddura
aisittendi umpari a mamma
tu turrabi da trabagliu
eu curria in brazzu a te

abii sempri un rigaru
chi alligraba lu mé cori
tu z'hai daddu tantu amori
e zi dassi lu durori

Babbu méu la casa toia è abá lu zeru
e lassi a mamma ischunsuradda
pignendi umpari a mé fradeddi

Babbu méu eu zerchu di falli curaggiu
ma candu pensu a lu tó viaggiu
eu no ridesciu piú a campá

Prega tu pá noi a Deu
chi si dassia umpari a mamma
lu durori chi z'ha daddu
é una cosa troppu manna

Babbu méu la casa toia è abá lu zeru
e lassi a mamma ischunsuradda
pignendi umpari a mé fraddeddi

Babbu méu eu zerchu di falli curaggiu
ma candu pensu a lu tó viaggiu
eu no ridesciu piú a campá