FIORI DI MAMMA
Soggu pirdhendi la vidda
pá ibbagli di pizzinnia
sighendi l'amigghi ibbagliaddi
é un sognu di tanti illusioni
ma giuntu lesthru é lu contu
i la vidda bisogna pagá
la bozi di mamma m'intendu
chi sempri dizzia cussí
Ti sei arruinendi, ti sei arruinendi
figlioru meu cosa sei fendi
beddu di casa fiori di mamma
lu ventu freddu purthendi ti z'é
L'ibbagli chi m'hai pardhunaddu
tanti cunsigli m'hai daddu
mi pentu non l'aggiu aischulthaddi
pá chissu m'acciappu cussí
in chisthu mamentu umbé tristhi
m'ammentu candu eru criaddura
la vidda no m'ha daddu nienti
signadda é la sorthi pai me
Candu t'abbizzi é gia tardhu
lu tempu no mi bastha piú
pá dumandani pardhonu
la vidda fuggendi é da me
mi veggu chi soggu a la fini
m'abbizzu l'arenu é manchendi
caschunu mi teni li mani
pizzinnu mi ni soggu andendi
Mi sei lassendi , mi sei lassendi
pa li durori chi mi sei dendi
beddu di casa fiori di mamma
ti sthrignu forthi no mi dassá
Nessun commento:
Posta un commento